Bakı Dövlət Universitetinin 2020-2021-ci ilin yay imtahan sessiyasının nəticələrinə görə Azərbaycan Təhsil İşçiləri Azad Həmkarlar İttifaqı Respublika Komitəsinin adlı təqaüdünə layiq görülmüş tələbələrinə təqaüdlər təqdim edilib. Tədbirdə ATİAHİ Respublika Komitəsinin sədr müavini Mirzə Cəfərzadə iştirak edib. O, təqaüdə layiq görülmüş tələbələri AHİK sədri, millət vəkili Səttar Möhbalıyevin adından təbrik edib, onlara gələcək fəaliyyətlərində uğurlar arzulayıb. M.Cəfərzadə bildirib ki, ATİAHİ Respublika Komitəsinin adlı təqaüdü 1995-ci ildə təsis edilib. Bu təqaüdün verilməsində məqsəd tələbələrdə elmə, təhsilə marağın artırılması və Azərbaycanda həyata keçirilən uğurlu gənclər siyasətinə dəstək verməkdir. Bugünə qədər 2591 nəfər ali məktəb tələbəsi bu təqaüddən yararlanıb. 2021-ci ilin yay imtahan sessiyasının nəticəsinə görə adlı təqaüdə layiq görülən tələbələrdən 5 nəfəri Bakı Dövlət Universitetinin tələbələridir. 

03.11.2021

Noyabrın 2-də Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı ilə onlayn konfrans keçirilib. Ali təhsil müəssisələrinin həmkarlar ittifaqı təşkilatlarının sədrlərinin qoşulduğu tədbir gənclərin məşğulluğuna dair aparılmış təhlilin nəticələrinin müzakirəsinə həsr edilib. Konfransda ATİAHİ Respublika Komitəsi sədrinin müavini Mirzə Cəfərzadə çıxış edərək gənclərin məşğulluğuna dair keçirilmiş təhlil və onun nəticələri barədə məlumat verib. Qeyd edib ki, təhlilin aparılmasında məqsəd gənclərin məşğulluq problemindən nə dərəcədə əziyyət çəkdiyini araşdırmaqdır. M.Cəfərzadə bildirib ki, son illər ölkədə həyata keçirilən məqsədyönlü sosial-iqtisadi islahatlar nəticəsində milli iqtisadiyyatın güclənməsi və dinamik inkişafı, dayanıqlı  sosial-iqtisadi infrastrukturun yaradılması və yoxsulluq səviyyəsinin əhəmiyyətli dərəcədə azaldılması əhalinin demoqrafik artımına şərait yaradıb. Azərbaycan Respublikası Nazirlər Kabinetinin 5 avqust 2020-ci il tarixli 279 nömrəli qərarı ilə “Vətəndaşların peşə təhsili üzrə qeyri-formal və informal təhsil formaları vasitəsilə əldə etdikləri bilik və təcrübənin qiymətləndirilməsi və tanınması məqsədilə imtahanın keçirilməsi və onlara peşə ixtisasını təsdiq edən sənədin verilməsi Qaydası” təsdiq edilib: “Lakin gənclərin peşəyönümü işinin təşkili və metodik ədəbiyyatla təminatı sahəsində hələ də problemlər vardır. Bir sıra ali, orta ixtisas məktəblərində şagird və tələbələrin peşəyönümü işinə kifayət qədər diqqət yetirilmir, bu sahə üzrə kabinetlər yaradılmır. Bu da gələcək potensial işçi qüvvəsinin peşəyönümü işini xeyli çətinləşdirir. Əmək bazarında iş yeri uğrunda mövcud olan rəqabət, gənclər arasında işsizlik səviyyəsi Azərbaycanda da işsizlərin ümumi orta göstəricisindən yüksəkdir. Tələbələrin əldə etdikləri bilik və bacarıqların əmək bazarının kompetensiyalarına uyğun olmaması bu prosesi bir qədər də çətinləşdirir”. Azərbaycan Həmkarlar İttifaqları Konfederasiyası tərəfindən qəbul edilmiş «Gənclər siyasəti konsepsiyası», «Azərbaycan həmkarlar ittifaqlarının gənclər siyasətinin həyata keçirilməsi», «Azərbaycan həmkarlar ittifaqlarının gənclər siyasəti üzrə fəaliyyətinin əsas istiqamətləri» haqqında qərarlar, “Kadr Siyasəti Konsepsiyası”nda və digər sənədlərdə gənc kadrların hazırlanmasına və onların təhsilinə xüsusi diqqət yetirildiyini xatırladan M.Cəfərzadə bildirib ki, gənclərin sosial həyatda fəal və yaradıcı bir qüvvə olaraq iştirakına çalışan AHİK onları narahat edən müxtəlif problemləri, qarşılaşdıqları çətinlikləri araşdırıb həll etmək üçün müəyyən işlər həyata keçirir. Gənclər arasında sorğuların keçirilməsi bu çətinliklərin müəyyən edilməsi məqsədini daşıyır: “Aparılan sorğu nəticəsində məlum olub ki, gənclər təhsili başa vurduqdan sonra ixtisasları üzrə iş axtarmaq istədiklərini, lakin iş təcrübəsinin olmaması, iş saatlarının uyğunsuzluğu, iş yerlərinin məhdudluğu kimi bir sıra çətinliklərlə  üzləşirlər”. M.Cəfərzadə qeyd edib ki, gəclərin məşğulluğuna dair AHİK-in əməkdaşı və ekspertlər tərəfindən aparılmış təhlil giriş və 8 fəsildən ibarətdir.  Hər bir fəsildə ayrı-ayrı istiqamətlər üzrə mövcud problemlərdən və perspektivlərdən bəhs edilir.Sonra o, ayrı-ayrı istiqamətlər üzrə ortaya çıxan nəticələr, problemlərin aradan qaldırılması üçün irəli sürülən təkliflərdən danışıb. Qarşılıqlı fikir mübadiləsi çərçivəsində keçirilən onlayn konfransda iştirakçılar gənclərin məşğulluq problemlərinin aradan qaldırılması ilə bağlı ali təhsil müəssisələrində həyata keçirilən tədbirlərdən danışıblar 

02.11.2021

“18 oktyabr – Müstəqilliyin Bərpası Günü münasibətilə bütün Azərbaycan xalqını öz adımdan, həmçinin rəhbərlik etdiyim həmkarlar ittifaqlarının üzvləri adından təbrik edirəm. Bu günün Azərbaycan tarixində xüsusi yeri var. Xalqımızın müstəqil, azad yaşamaq arzusu reallaşıb. Minilliklərə söykənən tarixi ərzində böyük imperiyalara, dövlətlərə sahib olsa da, bəzən yaranmış tarixi şəraitlə əlaqədar müstəqilliyini itirməklə üz-üzə qalıb. Amma bir gün də olsun işğalla barışmayıb, milli-azadlıq mübarizəsini sonacan davam etdirib. Bu, Azərbaycan xalqının dəyişməz və sarsılmaz xarakteridir. Hər birimiz əminliklə inanırıq ki, ölkəmizin müstəqilliyi daimi olacaq və xalqımız azad yaşayacaq”.Bu fikirləri Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev deyib.Milli Məclisin deputatı bildirib ki, Azərbaycan 1918-ci il mayın 28-də xalqın apardığı uzunmüddətli mübarizədən sonra müstəqillik qazandı: “Azərbaycan Xalq Cümhuriyyəti mövcud olduğu 23 ay ərzində şanlı tariximizdə dərin iz qoydu, xalqımızın azad yaşamaq haqqını bütün dünyaya göstərdi. Demokratik respublika yaratmaq və qadınlara seçki hüququ verməklə şərqdə ilklərə imza atdı. Qısa müddətdə özünün əsas atributlarını – bayrağını, himnini və gerbini yaratdı. Həmçinin ana dili dövlət dili elan edildi, dövlət quruculuğu sahəsində ciddi tədbirlər həyata keçirildi. Ölkənin ərazi bütövlüyü və milli təhlükəsizliyi təmin edildi, yüksək döyüş qabiliyyətli hərbi hissələr yaradıldı. Azərbaycan Xalq Cümhuriyyəti 1920-ci il aprelin 28-də hərbi müdaxilə yolu ilə süqut etsə də, onun xalqımızın qəlbində bərqərar etdiyi azadlıq ideyası unudulmadı”.“Müstəqilliyimizin bərpa olunmasında ulu öndər Heydər Əliyevin misilsiz xidmətləri olub. Sovet rəhbərliyi tərəfindən 1990-cı il yanvarın 20-də Bakıda törədilən qanlı hadisənin səhəri günü Azərbaycanın Moskvadakı daimi nümayəndəliyinə gələrək cəsarətlə sovet rəhbərliyinin bu təcavuzkar əməlini tənqid etdi və bu təcavüz aktını bütün dünyaya çatdırdı. Həmçinin həmin ilin iyulun 22-də Naxçıvanda minlərlə insanın iştirak etdiyi izdihamlı mintinqdə çıxışı zamanı xalqı müstəqillik uğrunda sonacan mübarizə aparmağa çağırdı. Xalq içərsində Heydər Əliyevin böyük nüfuzu varı idi, ötən əsrin 70-ci illərində gördüyü işlərlə xalqın tükənməz məhəbbətini qazanmışdı, xalq onun hər bir çağırışına böyük şövqlə səs verirdi. Təbii ki, bu çıxış xalqımızın mübarizə yolunda mühüm situmul oldu. 1990-cı il noyabrın 17-də məhz Heydər Əliyevin sədrliyi ilə keçirilən Naxçıvan parlamentinin iclasında onun bilavasitə təşəbbüsü ilə Muxtar Respublikanın adından “Sovet Sosialist” sözləri götürüldü, Azərbaycan Xalq Cümhuriyyətinin üçrəngli, aypara və səkkizguşəli ulduz nişanlı bayrağı dövlət bayrağı kimi qəbul edildi. Beləliklə, Naxçıvanda müasir Azərbaycan dövlətçiliyinin təməli qoyuldu”, – AHİK sədri vurğulayıb.Deputat əlavə edib ki, əvvəlki illərdən fərqli olaraq bu gün xaqımız Müstəqilliyin Bərpası Gününü xüsusi əhval-ruhiyyədə qeyd edir: “Müzəffər Ali Baş Komandan cənab İlham Əliyevin rəhbərliyi altında Azərbaycanın bütün ərazisində dövlətimizin suveren hüquqları bərpa edildi, yarımçıq qalmış işlərimiz tamamlandı. Artıq xalqımız üçün çətin, ağrılı günlər keçimişdə qalıb. Bu gün min bir zəhmətlə, şərəflə qazandığımız uğurların sevincini yaşayırıq. Bir daha bayramınız mübarək olsun”.

02.11.2021

Oktyabrın 28-də Azərbaycan Həmkarlar İttifaqları Konfederasiyasının sədri, Milli Məclisin deputatı Səttar Möhbalıyev ölkəmizdə səfərdə olan Türkiyənin Qara Metallurgiya, Polad və Metalişləmə Sənayesi İşçiləri Həmkarlar İttifaqı Birliyinin (Özçelik-İş Sendikası) prezidenti Yunus Değirmenci ilə görüşüb.Hər iki tərəfdən nümayəndə heyətlərinin iştirakı ilə keçirilən görüşdə Azərbaycanla Türkiyə arasında mövcud olan qardaşlıq münasibətlərindən, həmçinin iki qurum arasındakı əlaqələrdən, əməkdaşlığın daha da möhkəmləndirilməsi istiqamətində görülən işlərdən və gələcək perspektivlərdən danışılıb.AHİK sədri bildirib ki, Türkiyə və Azərbaycanın münasibətləri qardaşlıq prinsiplərinə əsaslanaraq bütün sahələrdə möhkəm təməllər üzərində qurulub, Türkiyə Cümhuriyyətinin qurucusu Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” və Azərbaycan xalqının Ümummilli Lideri Heydər Əliyevin “Bir millət, iki dövlət” kəlamları xalqlarımızın milli-mənəvi dəyərlər müstəvisində birliyinin təminatçısıdır.Onun sözlərinə görə, bu gün Azərbaycan Prezidenti İlham Əliyevlə Türkiyə Prezidenti Rəcəb Tayyib Ərdoğanın həyata keçirdikləri məqsədyönlü siyasət sayəsində ölkələrimiz arasındakı münasibətlər daha yüksək səviyyəyə çatmaqda, bir sıra sahələr üzrə isə keyfiyyətcə yeni müstəviyə keçməkdədir.İşğal olunmuş Azərbaycan torpaqlarının 2020-ci ildə əks-hücum əməliyyatı ilə erməni qəsbkarlarından azad edilməsi zamanı Türkiyə dövlətinin və onun prezidentinin Azərbaycana göstərdiyi mənəvi və diplomatik dəstəyi dəyərləndirən S.Möhbalıyev deyib ki, bu, sözün hər bir mənasında, təmənnasız qardaşlığın nümunəsi idi. Şuşa Bəyannaməsindən danışan Konfederasiya rəhbəri qeyd edib ki, Bəyannamə ölkələrimiz arasında mövcud olan siyasi, iqtisadi, ideoloji, humanitar və s. münasibətlərin bundan sonra da bütün müstəvilərdə davamlı inkişafını təmin edəcək.Daha sonra Azərbaycan həmkarlar ittifaqlarının fəaliyyətindən söz açan AHİK sədri bildirib ki, vətəndaşlarımızın ən böyük ictimai təşkilatı olan həmkarlar ittifaqları ölkəmizdə yeni cəmiyyət quruculuğunda yaxından iştirak edir, sosial siyasətin həyata keçirilməsində önəmli rol oynayır, dövlətin bütün çağırışlarına, o cümlədən sosialyönlü təkliflərinə adekvat cavab verir.S.Möhbalıyev əlavə edib ki, bu gün həmkarlar ittifaqları əmək prosesinə cəlb olunmuş Azərbaycan vətəndaşlarının hüquqlarının müdafiəçisi kimi ölkəmizdə fəaliyyət göstərən bütün müəssisələrdə iş şəraitinin müasir standartlara uyğunlaşdırılması, sosial problemlərin həlli və əmək hüquqlarının təmin olunması sahəsində yeni metod və vasitələrdən istifadə edərək daha ardıcıl və məqsədyönlü fəaliyyət göstərir.Səmimi qəbula görə təşəkkür edən Özçelik-İş Sendikasının prezidenti Yunus Değirmenci Vətən müharibəsində Azərbaycanın qazandığı qələbəni tarixi hadisə adlandırıb və bu münasibətlə azərbaycanlı həmkarlarını təbrik edib. Qeyd edib ki, Azərbaycan və Türkiyənin həmkarlar ittifaqları arasında münasibətlər günü-gündən inkişaf edir, qarşılıqlı səfərlər təşkil edilir, təcrübə mübadilələri aparılır. Vurğulanıb ki, bu əlaqələrin daha da inkişafı üçün gələcəkdə də səylə çalışılacaq.Görüşdə həmçinin maraq doğuran digər məsələlər müzakirə olunub. Sonda qarşılıqlı hədiyyələr təqdim olunub, xatirə şəkili çəkdirilib.

28.10.2021

“Müzəffər Ali Baş Komandanın qətiyyətli siyasəti, Azərbaycan xalqının sarsılmaz birliyi və yenilməz Ordumuzun qəhrəmanlığı sayəsində qazandığımız parlaq qələbə bizi növbəti uğurlara daşımaqdadır. Vaxtı ilə utopik görünən arzularımız indi realdır. İşğaldan azad olunmuş ərazilərimizdə bərpa-quruculuq işləri sürətlə və keyfiyyətli şəkildə davam etdirilir. Artıq bir sıra iri layihələrin icrası tamamlanıb. Ötən gün Qarabağın hava qapısı adlandırılan Füzuli Beynəlxalq Hava Limanının açılmasına bütün dünya şahid oldu. Qısa müddətdə – cəmi 8 ay ərzində müasir tələblərə tam cavab verən belə bir aeroportun inşa edilməsi dövlətimizin dayanıqlı iqtisadi qüdrətinin bariz nümunəsidir. Bu hava limanı bölgəni nəqliyyat-logistika mərkəzinə çevirəcək, turizm potensialını artıracaq, iqtisadi inkişafına təkan verəcək”.Bu fikirləri Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev deyib.Onun sözlərinə görə, Qarabağda beynəlxalq aeroportun inşa edilməsi Vətən müharibəsində qazandığımız qələbənin uğurlu nəticələrindəndir: “Türkiyə Prezidenti cənab Rəcəb Tayyib Ərdoğanın açılış mərasimində iştirak etməsi bu hadisənin nə qədər əhəmiyyətli və tarixi xarakter daşıdığını göstərir. Türkiyə və Azərbaycan hər zaman bir-birinin yanında olub. Bu gün qardaş ölkə ilə bütün sahələrdə əlaqələr davamlı yüksələn xətt üzrə inkişaf edir, keyfiyyətcə yeni müstəviyə keçməkdədir. Vətən müharibəsi başlayan ilk saatlardan Türkiyə Prezidenti Azərbaycanla həmrəyliyini ifadə etdi. Bu, Azərbaycanın haqq işinə müdaxilə etmək iddiasında olan Ermənistanın havadarlarına bir mesaj idi. Qardaş ölkənin bütün dövlət strukturları Azərbaycanın qələbəsi üçün bütün sferalarda böyük əzmkarlıq göstərdilər, beynəlxalq təzyiqlərə baxmayaraq, qardaşlıq dəstəyi mövqeyindən geri çəkilmədilər. Ötən gün baş tutan açılış mərasimində qardaş ölkənin liderinin iştirak etməsi bu həmrəyliyin məntiqi davamıdır”.Milli Məclisin deputatı bildirib ki, Azərbaycan və Türkiyə prezidentləri tərəfindən təməli qoyulan Zəngəzur dəhlizi – Horadiz-Cəbrayıl-Zəngilan-Ağbənd avtomobil yolu bölgə ilə yanaşı, bütün region ölkələri üçün əhəmiyyətli olacaq, iqtisadi əlaqələrin inkişafına mühüm töhfələr verəcək.

28.10.2021

Bakı Mühəndislik Universitetinin (BMU) rektoru, professor Havar Məmmədov Azərbaycan Təhsil İşçiləri Azad Həmkarlar İttifaqının yaradılmasının 100 illiyi ilə əlaqədar həmkarlar ittifaqı hərəkatında xidmətlərinə görə “Yubiley döş nişanı” ilə təltif olunub. Rektor bu mükafata ATİAHİ Respublika Komitəsinin Rəyasət Heyətinin qərarı ilə layiq görülüb.Mükafat Havar Məmmədova ATİAHİ Respublika Komitəsinin sədr müavini Mirzə Cəfərzadə ilə keçirilən görüşdə təqdim edilib.Təqdimetmə mərasimində çıxış edən M. Cəfərzadə deyib ki, təmsil etdiyi qurum təhsil sahəsində çalışanların əmək və sosial hüquqlarının qorunmasında, onların istirahətlərinin təşkilində mühüm rol oynayır.  O universitetin həmkarlar ittifaqı komitəsinin fəaliyyətinə verdiyi dəstəyə görə, Havar Məmmədova  təşəkkürünü bildirib.H. Məmmədov ona göstərilən etimada və diqqətə görə, AHİK-in rəhbərliyinə minnətdarlığını ifadə edib. Universitet haqqında ətraflı məlumat verən Havar Məmmədov eyni zamanda BMU-nun Həmkarlar İttifaqı Komitəsi və Tələbə Həmkarlar İttifaqı Komitəsinin aktiv fəaliyyətinə toxunub. Azərbaycanda həmkarlar ittifaqlarının keçdiyi tarixi yoldan, əldə etdiyi nailiyyətlərdən bəhs edən rektor BMU ilə ATİAHİ Respublika Komitəsi arasında əməkdaşlıq münasibətlərinin gələcəkdə daha da inkişaf etdiriləcəyindən əminliyini vurğulayıb.

27.10.2021

Oktyabrın 22-24-də Türk Egitim-Sen və Avrasiya Təhsil İşçiləri Beynəlxalq Həmkarlar İttifaqları Birliyinin təşkilatçılığı ilə III Türk Dünyası Mühəndislik və Fənn Bilimlərinə həsr olunmuş elmi konfrans keçirilmişdir. Pandemiya ilə əlaqədar onlayn formatında  baş tutmuş konfransda Azərbaycan Təhsil İşçiləri Azad Həmkarlar İttifaqı Respublika Komitəsinin sədr müavini Mirzə Cəfərzadə və Beynəlxalq əlaqələr şöbəsinin müdiri Səbuhi İmanov iştirak etmişlər. Tədbirə Türkiyə təhsil nazirinin müavini, prof. dr. Mustafa Safran, Türk Egitim-Sen və Avrasiya Təhsil İşçiləri Beynəlxalq Həmkarlar İttifaqları Birliyinin sədri Talip Geylan, Qazaxıstan, Qırğızıstan, Makedoniya və Rumıniyadan olan təhsil işçiləri həmkarlar ittifaqlarının sədrləri və türkdilli ölkələrin yüzlərlə elm adamı iştirak qatılmışdır.Videokonfransın açılışında M.Cəfərzadə də çıxış etmişdir. O, iştirakçıları AHİK-in sədri, millət vəkili, doktor-professor Səttar Möhbalıyevin adından salamlamış və konfransa işində uğurlar arzulamışdır.M.Cəfərzadə qeyd etmişdir ki, 2017-ci ildən bəri üçüncü dəfədir ki, Türk Egitim-Sen və Avrasiya Təhsil İşçiləri Beynəlxalq Həmkarlar İttifaqları Birliyinin təşəbbüsü ilə Mühəndislik və Fənn Bilimlərinə həsr olunmuş konfrans keçirilir. Mühəndislik və Fənn Bilimləri konfransı inkişaf etməkdə olan Türkdilli ölkələrin elm və təhsil sahəsində, eləcə də sosial və mədəni sahələrdə əməkdaşlığını möhkəmləndirir. Yüzlərlə türkdilli gənc alimin yetişməsinə vəsilə olur,  onların elm sahəsində beynəlxalq arenaya çıxmasına şərait yaradır. Bu cür elmi konfranslar müasir elmi tədqiqatların məhsulu olan ən son yenilikləri təkcə türkdilli ölkələr arasında deyil, bütün dünyada bu dildə danışan hər bir kəslə bölüşməyə imkan verir. M.Cəfərzadə daha sonra demişdir ki, türklər, zamanından və məkanından asılı olmayaraq, mövcud olduqları hər yerdə tarixi izlər buraxmış və bəşəriyyətin gələcək inkişafına çox böyük töhfələr vermişlər. Dünya sivilizasiyasının təməlində duran türkçülük dəyərləri başqa millətlərin də təkamülünü sürətləndirmişdir. Düşünürəm ki, bu konfransda elm adamlarının egitim və sosial bilimlərlə əlaqədar fikirləri dəyərləndiriləcək  və yeni tədqiqatların əsası qoyulacaqdır.

22.10.2021

Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev 5 oktyabr – Beynəlxalq Müəllimlər Günü münasibətilə Azərbaycan müəllimlərini təbrik edib.Təbrikdə AHİK sədri mənalı ömrünü ölkəmizin parlaq gələcəyi naminə bu peşəyə həsr edən ziyalılarımıza şərəfli fəaliyyətlərində uğurlar arzulayıb. Bildirib ki, Ulu Öndər Heydər Əliyev həmişə müəllim adının ucalığını, nüfuz və hörmətini yüksək qiymətləndirib, təhsilin inkişafı üçün lazım olan bütün zəruri tədbirlərin həyata keçirilməsini, müəllimlərin sosial rifah halının yaxşılaşdırılmasını diqqətdə saxlayıb. S.Möhbalıyev qeyd edib ki, Prezident İlham Əliyevin rəhbərliyi ilə ölkəmizdə həyata keçirilən təhsil islahatları, maddi-texniki bazanın möhkəmləndirilməsi, göstərilən hərtərəfli diqqət və qayğı öz bəhrəsini verməkdədir. Onun sözlərinə görə, bu gün respublikada təhsilin müasirləşdirilməsi, kadr hazırlığı, dünya təcrübəsinin mənimsənilməsi kimi məsələlər diqqət mərkəzindədir.Milli Məclisin deputatı vurğulayıb ki, Azərbaycanın Birinci vitse-prezident Mehriban xanım Əliyevanın rəhbərliyi ilə Heydər Əliyev Fondu tərəfindən ölkə ərazisində tikilib istifadəyə verilən müasir məktəblər, yeni təhsil kompleksləri tədrisin səviyyəsinin yüksəlməsinə münbit zəmin yaradıb və bu sahədə görülən tədbirlər ali, orta və peşə təhsilinin beynəlxalq standartlar səviyyəsinə çatdırılmasında öz müsbət nəticələrini verməkdədir.S.Möhbalıyev əlavə edib ki, sahə həmkarlar ittifaqı ilə birgə görülən işlər müəllimlərin sosial-iqtisadi problemlərinin həllinə, onların əmək şəraitinin yaxşılaşdırılmasına, asudə vaxtlarının və istirahətlərinin səmərəli təşkilinə yönəlib. O, əmin olduğunu bildirib ki, müəllim adı bundan sonra da hörmətlə çəkiləcək, cəmiyyətimizdə böyük nüfuz və hörmət sahibi olacaqdır.

05.10.2021

Sentyabrın 2-də Azərbaycan Təhsil İşçiləri Azad Həmkarlar İttifaqı Respublika Komitəsi tərəfindən Bakı şəhərinin rayon komitəsi sədrləri ilə onlayn seminar keçirilib. Tədbirdə çıxış edən ATİAHİ Respublika Komitəsinin sədri Mirzə Cəfərzadə bildirib ki, Respublika Komitəsi tərəfindən vaxtaşırı olaraq onlayn seminarlar, konfranslar təşkil olunur. Yeni dərs ilinin başlanması ilə bağlı nəzərdə tutulan tədbirlərdən danışan M.Cəfərzadə qeyd edib ki, ilk təşkilat sədrləri məktəblərdə dərs bölgüsündə yaxından iştirak etməlidir. Həmçinin müəllimlərin yerdəyişməsi və işə qəbulu ilə bağlı yeni işə qəbul edilmiş təhsil işçilərinin həmkarlar ittifaqı üzvlüyünə cəlb edilməsi ilə bağlı iş aparılmalıdır: “Yeni işə qəbul edilmiş təhsil işçiləri ilə görüşlər keçirilərək onlara həmkarlar ittifaqı üzvlüyünə qəbul edilməyin üstünlükləri izah edilməlidir. Həmçinin ittifaqa qəbul edilmə zamanı təlimata uyğun olaraq sənədləşmə işləri qaydasında aparılmalıdır”. Bakı şəhərində yerləşən peşə təhsili müəssisələrinin birləşdirilməsi ilə bağlı məlumat verən M.Cəfərzadə bildirib ki, birləşdirilmə prosesi başa çatmış peşə təhsili müəssisələrində yeni təşkilatlar təsis edilməli, təşkilatlar yenidən formalaşdırılmalıdır. 3.jpg 157.5 KBSonra tədbirdə ATİAHİ Respublika Komitəsinin təşkilat şöbəsinin müdiri Emil Rüstəmov danışaraq qeyd edib ki, 2022-ci ildə ATİAHİ-nin üzv təşkilatlarında hesabat-seçki konfranslarının keçirilməsi nəzərdə tutulmuşdur. E.Rüstəmov bildirib ki, rayon komitələri hesabat-seçki konfranslarına ciddi sürətdə hazırlaşmalı, seçkilər demokratik prinsiplər əsasında keçirilməlidir: “Seçkilər vaxtı layiqli namizədlərin seçilməsinə şərait yaradılmalı və müəssisə rəhbərlərinin seçkilərə müdaxiləsinə yol verilməməlidir. Rayon komitəsi sədrləri çalışmalıdır ki, layiq olan və kollektiv içində nüfuza malik insanlar ilk təşkilatlarda sədr seçilsinlər. Nəzərə almaq lazımdır ki, həmkarlar ittifaqlarının gücü ilk təşkilatlardadır”. Tədbirdə çıxış edən Respublika Komitəsinin katibi, Əmək haqqı və sosial müdafiə şöbəsinin müdiri Zəfər Məmmədov ATİAHİ Respublika Komitəsi ilə Təhsil Nazirliyi arasında bağlanmış “2021-2023-cü illər üçün Kollektiv Saziş”də öz əksini tapan müddəalardan bəhs edərək bildirib ki, 2021-ci ilin 20 sentyabrına qədər Bakı şəhəri üzrə Təhsil İdarəsi ilə Bakının rayon komitələri arasında kollektiv müqavilə bağlanmalıdır. Təhsil İdarəsi ilə bu barədə müzakirələrin aparıldığını qeyd edən Z.Məmmədov vurğulayıb ki, Kollektiv Müqavilə bağlanarkən Kollektiv Sazişdə öz əksini tapan müddəalara istinad edilib. Sonra tədbirdə Respublika Komitəsinin katibi, maliyyə şöbəsinin müdiri Mübariz Eyvazov çıxış edərək öz tövsiyələrini çatdırıb. Tədbirin sonunda rayon və şəhər komitəsi sədrləri çıxış edərək müzakirə olunan məsələlərlə bağlı fikirlərini bildirmiş, müzakirələr aparılmışdır.

02.09.2021

Avqustun 25-də Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı ilə onlayn seminar keçirilib. Seminarda ATİAHİ Respublika Komitəsinin xidmətinə daxil olan şəhər, rayon komitəsi sədrləri iştirak edib. Tədbiri giriş sözü ilə Respublika Komitəsi sədrinin müavini Mirzə Cəfərzadə açaraq qeyd edib ki, seminar 2022-ci ildə keçiriləcək hesabat seçki konfransı, yeni dərs ilinin başlanması ilə bağlı nəzərdə tutulan tədbirlər, ATİAHİ Respublika Komitəsi ilə Təhsil Nazirliyi arasında bağlanmış “2021-2023-cü illər üçün Kollektiv Saziş”də öz əksini tapan müddəaların müzakirə və digər məsələlərə həsr olunub. O qeyd edib ki, İttifaqın nizamnaməsinə uyğun olaraq 2022-ci ildə ATİAHİ-nin üzv təşkilatlarında hesabat-seçkilərin keçirilməsi nəzərdə tutulmuşdur. Bütün şəhər, rayon və rayon hüquqlu həmkarlar ittifaqı komitələri seçkilərə hazırlıq işləri görməli, seçkilərin nizamnamənin tələblərinə uyğun keçirilməsi təmin etməlidir. M.Cəfərzadə həmçinin qeyd edib ki, rayon komitəsi sədrləri ittifaq üzvlərindən daxil olan müraciətlərə həssas yanaşmalı, qəbula gələn şəxsləri narahat edən məsələləri ciddi şəkildə araşdırmalıdır. 4.jpg 119.95 KBSonra tədbirdə Respublika Komitəsinin təşkilat şöbəsinin müdiri Emil Rüstəmov çıxış edərək qeyd edib ki, müəllimlərin işə qəbulu və yerdəyişməsi ilə əlaqədar olaraq yeni işə qəbul edilən təhsil işçilərinin ittifaqa qəbul edilməsi ilə əlaqədar olaraq rayon komitələri iş aparmalıdır. O vurğulayıb ki, rayon komitəsi sədrləri və ilk təşkilat sədrləri yeni işə qəbul edilmiş təhsil işçilərinə həmkarlar ittifaqına üzv olmağı üstünlükləri barədə məlumat verməli, yeni üzvlərin qəbul edilməsi, üzvlük ərizələrinin alınması, üzvlərin anketlərinin tərtib edilməsi Respublika Komitəsinin tövsiyələrinə uyğun aparılmalıdır. Tədbirdə çıxış edən Respublika Komitəsinin katibi, Əmək haqqı və sosial müdafiə şöbəsinin müdiri Zəfər Məmmədov ATİAHİ Respublika Komitəsi ilə Təhsil Nazirliyi arasında bağlanmış “2021-2023-cü illər üçün Kollektiv Saziş”də öz əksini tapan müddəalardan bəhs edərək bildirib ki, yeni Kollektiv Saziş əsasında şəhər, rayon komitələri ilə rayon və şəhər təhsil idarələri və şöbələrinin direktorları arasında, eləcə də ilk təşkilat sədrləri ilə müəssisə rəhbərləri arasında Kollektiv Müqavilə 2021-ci ilin 20 sentyabrına qədər imzalanmalıdır. Z.Məmmədov qeyd edib ki, kollektiv müqavilələr bağlanarkən Kollektiv Sazişdə öz əksini tapan müddəalara istinad olunmalıdır. 44.jpg 156.05 KBSonra tədbirdə Respublika Komitəsinin katibi, maliyyə şöbəsinin müdiri Mübariz Eyvazov çıxış edərək xatırladıb ki, Nazirlər Kabineti yanında Operativ Qərargahın müvafiq qərarına uyğun olaraq 01 sentyabr 2021-ci il tarixdən müalicə-sağlamlıq və istirahət mərkəzlərinə göndəriş alan şəxslərdən COVİD pasportu tələb olunacaqdır. O qeyd edib ki, təşkilat sədrləri müalicə-sağlamlıq və istirahət mərkəzlərinə göndəriş verilən şəxsləri bu barədə məlumatlandırılmalıdır. Tədbirin sonunda rayon və şəhər komitəsi sədrləri çıxış edərək müzakirə olunan məsələlərlə bağlı fikirlərini bildirmiş, müzakirələr aparılmışdır.

25.08.2021

Təhsil üzrə Avropa Həmkarlar İttifaqı Komitəsinin onlayn formada növbədənkənar konfransı keçirilib. Konfransda ATİAHİ Respublika Komitəsini  sədrinin birinci müavini Hümbət Nağıyev və Beynəlxalq əlaqələr şöbəsinin müdiri Səbuhi İmanov təmsil edib. 5.jpg 107.86 KBKonfransa Beynəlxalq Həmkarlar İttifaqları Konfederasiyasının baş katibi Luka Visentini, Beynəlxalq Təhsil Birliyinin Baş Katibi David Edvards, Təhsil üzrə Avropa Həmkarlar İttifaqı Komitəsinin prezidenti Larri Flanaqan, Təhsil üzrə Avropa Həmkarlar Ittifaqı Komitəsinin Direktoru Susan Floken, Avropa Komissiyasının Təhsil, Gənclər, İdman və Mədəniyyət məsələləri üzrə Baş Direktoru Temis Kristofidou və üzv təşkilatlardan iki yüzə yaxın nümayəndə qoşulub.ETUCEETUCEETUCE

06.07.2021

Təhsil İşçiləri Azad Həmkarlar İttifaqı Respublika Komitəsi 26 İyun Silahlı Qüvvələr Gününü Füzuli rayonunun Horadiz qəsəbəsində yerləşən Sərhəd Qoşunlarının “N” saylı hərbi hissəsində qeyd etdi“Vətənin hər qarışı hər birimizindir. Biz üçümüz də I və II Qarabağ müharibələrinin iştirakçılarıyıq”, - deyə Sərhəd Qoşunlarının Horadizdə yerləşən “N” saylı hərbi hissə komandirinin şəxsi heyət üzrə müavini, polkovnik-leytenant Babək Nəbiyev bildirdi.IMG_0973.JPG 4.87 MBYanında əyləşən iki polkovnik-leytenantı göstərərək sözünə davam etdi: “Hərəmiz Vətənin bir regionunda doğulub böyümüşük. Bax, qardaşlarım Cəmil Sultanov Qusardan, Murad Məmmədquliyev Şabrandan cəbhəyə gəliblər. Mən də Qərbi Azərbaycanda doğulub böyümüşəm.Döyüşlərin ən qanlı məqamlarında vuruşmuşuq. Çox sayda düşməni cəhənnəmə göndərmişik. Gözümüzün önündə dost itirmişik. Televiziyalarda, qəzetlərdə, jurnallarda özünü qəhrəman, nə bilim romalılara qarşı vuruşmuş basılmaz xalq kimi təbliğ edən erməni gəncləri açıq döyüş meydanında qarşımızdan, neçə deyərlər, it kimi quyruqlarını qısıb qaçıblar. Qaçmaq imkanları olmayanda isə müti görkəm alıb: “Ara, Qarabağ azərbaycanlılarındır”, - deyiblər. Bir qaşıq qana görə alçalıblar. Amma mənim şir ürəkli qardaşlarım: “Bir can nədir ki, Vətən yolunda” şüarı ilə hünər göstəriblər. Bir balakənli qardaşımız vardı. Milliyyətcə tabasaran idi. Mühasirəyə düşdü. Artıq ermənilər onu əsir alacaqdılar. Tapançasının son gülləsini çənəsinin altına dirədi, atəş açdı. Erməni əsirliyindən şəhadəti üstün tutdu.IMG_0984.JPG 3.25 MBBabək şəhid olmuş cəbhə dostlarının hər biri haqqında kədərlə yox, iftixarla danışdı.Elə mən də, polkovnik-leytenantın ölüm-itimlə müşahidə olunan söhbətinə iftixarla qulaq asırdım. Sanki o fədakar hərbçilərimizlə birlikdə döyüş meydanında idim. Nə güllə, nə də topların yaydığı qəlpə qorxusu vecimə gəlmirdi.Qəfil bir səs məni və həmsöhbətimi o aləmdən ayırdı: “gəlin, tədbir başlayır”.Polkovnik-leytenantlar və mən “N” saylı hərbi hissənin park mənzərəsi bağışlayan ərazisinə yollandıq. Əsgərlər, az sayda mülki şəxslər və daha bir neçə azyaşlı uşaq səliqə ilə düzülmüş skamyalarda əyləşib gözlərini səhnəyə dikmişdilər. İndicə səhnəyə Bakıdan gələn musiqiçilər, müğənnilər çıxacaqdılar. Hələlik isə xidmət yoldaşları sıravi əsgər İlyas Hacızadə klarnetdə bir-birinin ardınca könüloxşayan lirik mahnılar ifa edirdi.IMG_1057.JPG 3.79 MBNəhayət, aparıcı mikrofon qarşısına keçdi. Dedi ki, 26 iyun milli ordumuzun yaranması gününə həsr olunmuş bu tədbir Azərbaycan Təhsil İşçiləri Azad Həmkarlar İttifaqı Respublika Komitəsinin təşəbbüsü və təşkilatçılığı ilə təşkil olunmuşdur. Bu günü sizinlə birlikdə qeyd etməyə Respublika Komitəsinin əməkdaşları ilə bərabər, Azərbaycan Dövlət Mədəniyyət və İncəsənət Universitetinin (ADMİU) tələbələri və işçiləri də gəlmişlər.Aparıcı hərbi hissənin əsgər və zabit heyətinə AHİK sədri, millət vəkili Səttar Möhbalıyevin və ADMİU-nun rektoru Ceyran Mahmudovanın salamlarını və təbriklərini çatdırdı. Söz musiqiyə verildi. “Xudayar təsnifi”, “Vətən haqqında”, “Çırpınırdı Qara dəniz” mahnıları hərbçilərin qəlbini riqqətə gətirdi.Hərbçilərin ucalara qaldırıb yellədikləri üçrəngli, ay-ulduzlu bayraqlarımızın altında səslənən mahnılar Horadizin ətrafında keşik çəkən dağları da aşıb keçdi.Coşqu artdıqca müğənnilər səhnədə duruş gətirə bilmədilər. Sinələrindən gələn nəğmələri hərbçilərlə bölüşmək həvəsi ilə səhnədən aşağı endilər.Musiqiçilər qol qaldırıb əsgərlərlə rəqs etdilər. Çox az vaxtdan sonra musiqi hərbçilərlə musiqiçiləri doğmalaşdırdı.IMG_1163.JPG 4.37 MBTədbirdə çıxışlar da oldu. Hərbi hissənin komandiri polkovnik Zəfər Bayramov, hərbi hissə komandirinin şəxsi heyət üzrə müavini, polkovnik-leytenant Babək Nəbiyev qonaqlara xoşgəldin etdilər. Qonaqları əmin etdilər ki, ordumuz, o cümlədən sərhədçilərimiz Vətənin keşiyində əzmlə durublar. Ali Baş Komandan cənab İlham Əliyevin rəhbərliyi, komandanlığı altında qarı düşmən çökdürülüb, darmadağın olunub. Sərhədlərimizin delimitasiyası sərhədçilərimizin iştirakı ilə xəritəyə uyğun aparılır. Düşmənin bütün hərəkətləri tam nəzarətimiz altındadır.Hərbçilərimiz üçün hərbi hissələrdə, postlarda hər cür şərait yaradılıb. Ən müasir hərbi ləvazimatlar sərəncamımızdadır.Müntəzəm keçirilən təlimlər ordumuzun döyüş qüdrətini get-gedə daha da artırır.Təhsil İşçiləri Azad Həmkarlar İttifaqı Respublika Komitəsi sədrinin müavini Mirzə Cəfərzadə ictimaiyyətin, o cümlədən həmkarlar ittifaqlarının ordumuza inamının böyük olduğunu söylədi. Dedi ki, biz qələbəyə Vətən müharibəsinin elə ilk günündən əmin idik.IMG_1168.JPG 4.9 MBXalq ordumuzun döyüş hazırlığına, şücaətinə, qələbə təşnəsinə şübhə etmirdi. Arxayın idik ki, Ali Baş Komandan nəyi, nə vaxt, necə edəcəyini bilir.Atalarımız deyib ki, xalq bir olsa, zərbi kəran sındırar. Zəfərimizin başlıca amili o oldu ki, cənab İlham Əliyev bu birliyi öz ədalətli rəhbərliyi sayəsində yaratmağı bacardı.Mirzə müəllim AHİK sədri, millət vəkili Səttar Möhbalıyevin təşəbbüsü, təklifi ilə yaradılmış həmkarlar ittifaqı - ordu əlaqələrindən də geniş danışdı. Bildirdi ki, əvvəla, həmkarlar ittifaqı əməkdaşlarından xeyli sayda gənc və cavan könüllü olaraq cəbhəyə yollandı. Təşkilatımızın bütün strukturları, xüsusilə cəbhə bölgəsində çalışan əməkdaşlarımız səylərini cəbhəyə yönəltdilər. Orduya mənəvi və maliyyə dəstəyi göstərdilər.M.Cəfərzadə çıxışını vətənpərvər şüarlarla yekunlaşdırdı.IMG_1170.JPG 4.58 MBHərbi hissə komandanlığı, başda S.Möhbalıyev olmaqla, Respublika Komitəsinin bir neçə əməkdaşına, mənəvi dəstəyə görə, Fəxri Fərman təqdim etdi. Respublika Komitəsi də hərbi hissəyə hədiyyəsiz gəlməmişdi. Sərhədçilərə 3 ədəd iri ekranlı televizor dəsti bağışladı.Yeri gəlmişkən qeyd edim ki, görüşə Füzuli rayonundan I Qarabağ müharibəsinin 7 qazisi dəvət olunmuşdu. Onlara TİAHİ Füzuli Rayon Komitəsinin Fəxri fərmanları və qiymətli hədiyyələr verildi.Yazının əvvəlində üç igid polkovnik-leytenantla söhbətimizi təqdim etmişdik. Olduğumuz hərbi hissədə neçə-neçə onlar kimi qəhrəman övladımız xidmət edir. Belə oğulları olan xalqın qarşısında dağ da davam gətirməz!

25.06.2021

26 may 2021-ci il tarixində “Pandemiya dövründə təhsilin bütün sahələrində İKT-dən istifadənin üstünlükləri və çatışmazlıqları” mövzusunda “Cisco Webex Meetings” platforması üzərindən beynəlxalq konfrans keçirilib.Tədbir Türkiyənin ən böyük təhsil həmkarlar ittifaqı olan Egitim-Bir-Sen tərəfindən təşkil olunub. Malaziya, Litva, İndoneziya, Sinqapur, Serbiya, Cənubi Afrika Respublikası, Bolqarıstan və 30 yaxın digər ölkələrin təhsil üzrə həmkarlar ittifaqı təşkilatlarının nümayəndələrinin iştirak etdiyi tədbirdə Azərbaycan Təhsil İşçiləri Azad Həmkarlar İttifaqı Respublika Komitəsi (ATİAHİ RK) də təmsil olunub. Konfransı giriş sözü ilə açan Eğitim-Bir-Sen və Memur-Senin sədri Ali Yalçın tədbirə onlayn formada ev sahibliyi etməkdən məmnunluğunu bildirib, iştirakçılara belə bir aktual mövzu ətrafında məhsuldar müzakirələr aparmağı arzulayıb....jpeg 101.03 KBKonfransda ATİAHİ RK-nın Beynəlxalq əlaqələr şöbəsinin müdiri Səbuhi İmanov çıxış edərək tədbir iştirakçılarını AHİK-in sədri, millət vəkili Səttar Möhbalıyevin adından salamlayıb.S.İmanov COVID-19 pandemiyasının dünyada, o cümlədən Azərbaycanda təhsil prosesinə yaratdığı çətinliklərdən danışaraq qeyd edib ki, pandemiya İKT-nin təkcə akademik həyatını deyil, bütün dünya insanlarının gündəlik həyatının ayrılmaz bir parçasına çevrilib: “UNESCO və Dünya Bankının məlumatına görə, COVID-19 pandemiyası səbəbindən dünyada 1.5 milyarddan çox şagird təhsildən kənarda qalıb. Pandemiya dövründə əksər ölkələr onlayn/distan təhsilə keçsələr də, xüsusilə inkişaf etməkdə olan ölkələr bu təhsil formasından normal istifadə edə bilmirlər. Dünyada uşaqların və yeniyetmələrin 53 %-nin evində kompüteri, 47 %-nin isə internetə çıxışının olmadığı faktları qeydə alınıb. Həmçinin aparılan araşdırmalar sübut edib ki, yaşlı nəslin İKT-dən kifayət qədər istifadə edə bilməməsi distant təhsil prosesində çətinliklər yaradıb”.COVID-19 pandemiyasının Azərbaycanın təhsil sisteminə təsirlərindən söz açan S.İmanov vurğulayıb ki, pandemiyanın diktə etdiyi şərtlər ölkəmizdə də təhsil sahəsində ciddi çətinliklər və öhdəliklər yaradıb, operativ qərarların qəbul olunmasını zəruri edib: “Ötən ilin mart ayından ölkə ərazisində yerləşən bütün təhsil müəssisələrində əyani tədrisin, təlim-tərbiyə prosesinin bütün formaları dayandırıldı. Bütün növ kütləvi tədbirlərin təxirə salınması barədə qərar qəbul edildi. Bundan sonra növbəti addım olaraq teledərslər təşkil edildi, TİMS platforması üzərindən "Virtual məktəb” layihəsinə start verildi, ölkənin ən böyük milli onlayn platforması şagirdlərin istifadəsinə verildi və ölkədə, demək olar ki, pedaqoji prosesin bütün formaları tamamilə distant formaya keçdi”.....jpeg 76.89 KBPandemiya dövründə ATİAHİ RK-nın gördüyü işlərdən danışan S.İmanov bildirib ki, Respublika Komitəsi koronavirusun yayıldığı ilk günlərdən infeksiyanın qarşısının alınması, İttifaq üzvlərinin bu çətin günlərdə sosial müdafiəsinin gücləndirilməsi istiqamətində tədbirlərin həyata keçirilməsinə başlayıb: “Ölkədə ilk koronavirusa yoluxma halı qeydə alındıqdan dərhal sonra Respublika Komitəsi də məsafəli iş rejiminə keçib, bütün mədəni-kütləvi tədbirlər ləğv edilib, ilk təşkilatlarla Respublika Komitəsi arasında çevik onlayn əlaqənin qurulması üçün təxirəsalınmaz addımlar atılaraq maddi-texniki baza formalaşdırılıb, bütün yerli təşkilatlarda mövcud köhnə kompüter avadanlıqları yeniləri ilə əvəz edilib. Vaxtaşırı olaraq ilk təşkilatlarla onlayn konfranslar təşkil edilərək yerlərdəki vəziyyət analiz edilib”.S.İmanov pandemiya dövründə İKT-dən istifadədə yaşanan problemlərdən danışaraq əlavə edib ki, ölkənin ucqar rayonlarında internetin bütün təhsil alanlar və müəllimlər üçün əlçatan olmaması, 44 günlük Vətən müharibəsi dövründə milli təhlükəsizliyin təmin edilməsi məqsədilə internetə tətbiq olunan məhdudiyyətlər təhsil prosesinin həyata keçirilməsində çətinliklər yaradıb: “Nəzərinizə çatdırmaq istəyirəm ki, 2020-ci ilin 27 sentyabrında Ermənistan tərəfinin hərbi təxribatlarının qarşısını almaq üçün əks-hücum əməliyyatlarına başlayan Azərbaycan Ordusu 30 ilə yaxın işğal altında qalan bütün torpaqlarını azad etdi. Müharibə dövründə ölkənin milli təhlükəsizliyinin təmin edilməsi məqsədi ilə ölkədə internetin verilişində bir sıra məhdudiyyətlər tətbiq edildi ki, bu da davamlı təhsilin təmin edilməsinə öz mənfi təsirlərini göstərdi”.Pandemiya dövründə bəşəriyyət fiziki və mental olaraq əziyyət çəksə də, qeyd olunmalıdır ki, təkcə ana təbiət bu görünməz virusdan bəhrələnib Belə ki, ekologiya çox qısa müddətdə də olsa, səs çirklənməsi, işıq çirklənməsi və toz çirklənməsi kimi ekoloji problemlərdən azad olub.

26.05.2021